Қазақ есімдері

Бір күні Нұрай мен шетелдік достары кафеде отырды. Достары Нұрайдан: «Сенің есіміңнің мағынасы қандай?» – деп сұрады. Нұрай күлімсіреп жауап берді. «Менің есімім екі сөзден тұрады: нұр және ай. «Нұр» – жарық, сәуле. «Ай» – аспандағы ай. Демек, менің есімім «Айдың нұры» дегенді білдіреді», – деді ол. Достарына бұл өте қатты ұнады. Олар қазақ есімдерінің мағынасы терең екенін түсінді. Сосын Нұрай достарына басқа да есімдер туралы айтты. Алтынай – алтын ай; Темірлан – темір сияқты мықты; Маржан – асыл тас. Достары өз есімдерінің мағынасын іздей бастады. Бұл кеш өте қызықты өтті. Нұрай өз есімін жақсы көреді және мақтан етеді.