Audio player
0:00
--:--
Kazakh Text
Осыдан үш жыл бұрын Әсет Аустриядағы жарыстардың бірінде қатты жарақат алды. Спорттың қиындықсыз болмайтыны белгілі. Бірақ осы жарақаты ауыр болды. Дәрігерлер спортты уақытша тоқтату керек деді. Соның салдарынан спорттағы екі маусымды өткізіп алды. Екі маусым жаттығу жасамау – спортшы үшін үлкен сынақ. Бәрін басынан бастау керек болады. Одан кейін жарыстарға қатысу да қиын. Себебі рейтинг үшін қайтадан күресу қажет. Әсет бұл қиындықтан да өтті. Әлем чемпионатының жүлдегері атанды. Халықаралық олимпиадаға жолдама алды. Енді ол Олимпиада ойындарына қызу дайындалып жатыр. Әсеттің мақсаты – алтын медаль жеңіп алу. Оның оқиғасы басқа спортшыларға жақсы үлгі болды.