Audio player
0:00
--:--
Kazakh Text
Қыс мезгілін қатты жақсы көремін. Далада қалың қар жатқанда інім екеуміз сыртқа асығамыз. Бірде інім екеуміз аққала жасауға бел будық. Алдымен қарды қолмен домалатып, үлкен-кіші шарлар жасадық. Оларды бір-бірінің үстіне қойғанда, тап-таза, аппақ аққала шықты. Мұрнына сәбіз, көзіне көмір қойдық. Оның басына ескі шелек кигізіп, мойнына шарф тақтық. Аққаламыз өте әдемі әрі күлкілі болды. Інім екеуміз оны көріп, мәз болып күлдік. Алаңда жүгіріп, қармен ойнаған кезде ешбір уайым болмады. Сол күні біз өзімізді нағыз ғажайып әлемде жүргендей сезіндік. Қысқы даланың таза ауасы мен інімнің қуанышты жүзі мен үшін ең қымбат сыйлық болды.